خلطة الكريمات السبعة ( الله يسآمح الي اخترعهآ )

الموضوع في 'جمــالكِ وأنـاقتكِ' بواسطة الشمس المشرقة, بتاريخ ‏20 يوليو 2011.

  1. الشمس المشرقة

    الشمس المشرقة عضو نشيط

    السلام عليكم ورحمة الله وبركاته

    يا بنات انا اليوم عندي لكم موضوع جدي وخطير ولازم الكل يقريه والله يخليكم الي تقريه تنشره للفايده ومآبي منكم شي غيرر انكم تنشرونه وتعلموون اي احد يستخدم هالخلطات وخلط الكريمات مع بعض ...

    السالفه يا بنات صارت لوحده عندنآ وهذا الكلام مو عندي من كلآم اخت البنت نفسهآ والمعاناة الي صارت لهآ ... المهم ما طول عليكم الكل يعرف خلطة الكريمات السبعه الي مدري ميين اخترعها ؟؟؟ وبلش الناس فيها وانتم تدرون ان مفعوولها قووي ويحط البشره كآنها قطنه من البياض للعلم انه الكثير من البنات كانت بشرتهم سمرآء وصارت فاتحه بشكل مو طبيعي ماحد يتخييله ..

    السالفه انه هذي البنت الله يسلمكم كانت تستخدم هذي الخلطه زين .. وداومت عليها فتره طويله مادري من متى صراحه انا ماعرفها زيين بس آمي تعرفهاا وللعلم اني سآلت امي عنها كيف كانت وهي صغيره بيضاء او سمراء قآلت لي سمرآء وما فيها اي بياض بس الحين مادري كيف صارت وربي تلق تلق تلق من البياض حمراء من بياضهآ

    المهم الله يسلمكم هالبنت تزوجت بس هي تآخرت شوي بالزواج يعني ع سن 28 كذا تزوجت ... والحين حملت .... وسبحآن الله .. وربي يا بنات ماتصدقون شصآر لها وارجع اقول مو من كلامي هذا من كلآم اختها بلسانها قالته ... الحين لما حملت طبعآ ما تقدر تحط هالكريمات ع وجهها لانها مواد كيميائيه فالطبيب منعها من انها تحط اي خلطه كريمات بوجهها .. وكلهآ كم شهر الا وصآرت المصيبه .. أول شي صار كل ذاك البياض تحول لفلم رعب وربي ؟؟؟ وجهها صار كله بقع سودا مو بنيه بعد سوداء ع كامل وجهها وطلعت لها حبوووب فظيعه بوجهها والله مادري كيف صار كذا ؟؟
    حبوب شكله يقزز وربي يا بنات انا ما صدقت ليين شفت البنت بنفسي ؟؟ شفتها مره بزواج اختها لكن حتى المكياج مو قادره يخبي الحبوب والاشياء الي صايره بوجهها .... المهم مو بس كذا ؟؟؟ الدكتور استغرب قال اول مره اشوف وحده تحمل ويصير بوجهها كذا ؟؟؟ وخاصه انه اول حمل لهآ يعني غرريب مره ؟؟ طيب ووش صار بعد ... الي صار انها من اول ما حملت قامت تحسس بآلام برجلها .. حتى ما تقدر تمشي تعبت حيل وتنومت بالمستشفى شهر تقريبا بسبة انه الدم مادري كيف ما يمشي برجلها مادري شالسالفه بس يقولون تتعذب من الالم ... لا وغير كذا تخيلوا وشو ؟؟؟ تآخذ ابرتين باليوم وقاية من الجلطة ... الدكتوره قالها فيه ترسبات كيماويه بجسمهآ مآ يعرفون من وشو ؟؟ولازم كل يوم يعطونها ابرتين تحسبآ من اي مشكله ممكن تصير لها ...

    وهذي السالفه يا بنات وش الي يخلينا نبلش روحنا ونصير مثل حآلتها كله عشان البياض لا وهذا اول حمل لها معناته الحين كل ما تحمل بيصير لها كذا ؟؟ والله رحمتها؟؟ طيب فيه الف خلطه وخلطه ممكن نقدر نحصل فيها ع بشره بيضاء للعلم اني شفت البنات الي يحطون هالكريمات ما يقدرون يطلعون بالشمس كثير ؟ طيب وش السبب اكيد بسبة هالكريمات والمعروف انه هالكريمات قديمه وفيها مادة الزئبق تضضر بالبشرة ؟؟ الله يخليكم يا بنات تركو هالخلطة وانا احلل اي وحده تنشر هالموضوع عادي حتى لو مو بآسمي اهم شي الفايده ... اقرو وانشرو مو لازم تردون حتى

    وحتى لو تبون تتآكدون روحو قوقل واكتبو خلطات الكريمات السبعه وتصفحوو بتلاقو بنات صار لهم هالشي وهو انهم لما تركو هالخلطه صارت لهم بقع وحبوب فظيعه فيه بعضها ما انشالت الا بالليزر ..
    ونصيحه لا تخلطون اي كريمات مع بعض كله يضر الا اذا كانت باستشاره طبيه وكريمات موثوق منها مو مثل هذي الكريمات القديمه ..

    والله يهدي الجميع يارب ...........

    مع الســــــــلآمة ..

    منقوووووووووووووووووووول
     
    بك علي و الأنسة الصغيرة معجبون بهذا.
  2. عفاف الخير

    عفاف الخير عضو وفيّ

    سبحان الله
    ربي يهدينا يعني صار فيها هذا كله من اجل بشرة بيضاء
    جزاك الله كل خير اختي الشمس المشرقة على الموضوع المهم و المفيد..
     
  3. هدا جزاء من لا يقنع بالصفة التي خلقه الله بها الله يهدينا قاع إن شاء الله و الشكر الكبير لك اختي الشمس المشرقة على نقلك المميز للموضوع المهم و الهادف بارك الله فيك
     
    آخر تعديل بواسطة المشرف: ‏31 أغسطس 2013
  4. الأنسة الصغيرة

    الأنسة الصغيرة عضو وفيّ

    مسكينة ، الله يهدي اللي كان السبب .
    وبارك الله فيك أختي الشمس المشرقة على الموضوع لقد نال اعجابي حقا ، ومزيدا من التألق .
     
  5. ندين

    ندين عضو منتسب

    بارك الله فيك يا اختى موضوع هايل.
     
    أعجب بهذه المشاركة بك علي
  6. زهرة الياسمين

    زهرة الياسمين عضو جديد

    مستحضرات التجميل اغلبية اهدافها تسويقية اكثر منها الخوف على المستهلك

    بصراحة خلطة لها مفعوووول بهذه القوة كان يجب الحذر منها..

    الله يهدينا و يهدى جميع بنات المسلمين

    و اللون الاسمر كمان له موقعه في جمال ^_^

    شكراا اختى الكريمة على نصيحة
    الله ايعافينا و ايعافيكم و جميع المسلمين

    و دمت بخير
     

مشاركة هذه الصفحة