حصة كل شيء ممكن في بلادنا / الحلقة الثالثة

الموضوع في 'مواضيع عامة' بواسطة عبد الله, بتاريخ ‏14 يوليو 2009.

  1. عبد الله

    عبد الله عضو وفيّ

    مشاهدينا الأوفياء هنا نحن عدنا إليكم كما وعدناكم مع حلقة جديدة من حلقات حصة كل شيء ممكن في بلادنا
    عنوان الحلقة : حوار مع شومور
    نبدأ على بركة الله

    حوار مع شومور

    الصحفي: هيا تبع بالكاميرا انت بركاك من التفزياس ...هيا نرحوا نشوفوا هاداك اللي متكي عالصور....

    خويا السلام عليكم ورحمة الله...

    الشومور: وعليكم....السلام...ورحمة الله ...وبركاته...أنعم...

    كشما تسحق أخويا؟؟؟؟؟ لا كارت ؟؟ هاي لاكارت

    ( يرد بالتشناف )

    الصحفي:لالالا خويا مشني بوليسي ...أنا جورناليست فقط

    الشومور:راني متكي عالصور ني خدمة ني قدمة...مسحّت مالدار depuis 3 mois...
    غير الكيف...غير الحب..أصحيبي...راك تشوف في العظام في وجهي
    تقول عليا شبشاق ..

    الصحفي:أصحيبي معليش...كل ضيقة وراها فرجة...يفرج ربي
    ان شاء الله..

    الشومور:ان شاء الله...عمبلنا يقفل باب يحل عشرة...بصح أنا
    عبالك مكادنيين البواب تاعي ...درت الشر ياسر..

    الصحفي:معليش ربي غفور رحيم...خويا هادي مشها حصة تع تربية
    اسلامية...خويا... راها حصة تع زواج..

    الشومور:ياو عامبالي علاماه جاي...راهي مكتوبة في جبهتك...درك
    انتايا علاواه تسقسي...جورناليست ومعاك الكاميرا؟؟؟...علاماه
    تسقسيو فينا...

    الصحفي:لاخويا ...احنا خرجنا ليوم نشوفوا آراء الشباب تاعنا في
    الزواج..

    الشومور:تتمصخر بيا ...زواج أصحيبي؟؟؟ حق قهوة ماعنديش تقولي
    زواج؟؟؟ تشوف فيا متكي عالصور أصحيبي ..

    الصحفي:أخويا كيما يقولوا ...تقدر تتزوج ويفرج عليك ربي...

    الشومور:اي روح جيبنا مرى...تتمصخر بيا؟؟؟...هادي فيقورة تع
    زواج؟؟؟..ماتشوفش فيا..راني وليت فيراي كيما الطونوبيل...صدري
    طاح مالتذراح كي البراح...

    وش رح ندير ...ديجا نقولك حاجة...راك
    تضيع في وقتك...زيد.. الغاشي كامل راهو يتفرج معانا...راك تدور في
    شارع الشوماج
    ..مرحبا بيك...تتمصخر بيا...شكون يخمملك في الزواج في لبلاصة
    هادي...اللي يزوج هنا أونديري عبالك وش؟؟؟؟ أونديري كسب
    مانعرف وش؟؟؟ أونديري ولى مليونير...
    الصحفي:لا أصحيبي ..وش حاب نقولك أنا...حاب نعطيك أسئلة برك
    وانت جاوبني مباشر..

    الشومور:اي روح اتفضل..اسأل

    الصحفي:ما رأيك في الزواج؟؟؟

    ( الصحفي بدأ يطلعلوا القاز )

    الشومور:الزواج عندي أونديري حطيتي راسك في الفينقا...

    الصحفي:اي لا أصحيبي..وش حطيتي راسك في الفينقا...راني مزوج
    ولاباس بيا..

    الشومور:ايه انت جورناليست تدي 7 ولا 8 ملايين في الشهر...كرافاطا الله يبارك و الكوستيم..وباينة دارك متولة غير
    بالسوني sony ..جاي تهدر معايا ؟؟؟..تليفيزيون عندي من ميل
    نافسون...من الكاترفان ويت 88 ماتفرجتش ،ليماتش تع لالجيري
    حبستهم..

    الصحفي:بصح أصحيبي تقدر تكوّن روحك؟؟؟

    الشومور:وش نكوّن روحي وش نكوّن روحي؟؟؟ عبالك قداه في عمري؟؟؟

    الصحفي:قداه؟؟

    الشومور:عبالك قداه في عمري؟؟ راني 45 سنة أصحيبي ، 45 سنة شوماج...راني طبت طبت طبت...قيلني ..روح عافني..

    الصحفي:لا خويا ...خبي الموس ..احنا مش جينا نتعاركو..
    aimg59.imageshack.us_img59_5596_ffffffff9qv8.gif

    الشومور:اي روح برك روح روح...يخي حالة يخي
    ..باينة mauvaise journée ألطيف
    ..

    وفي الختام نتمنى أنكم إستمتعتم بهذه الحلقة
    وكما نتمنى أيضا أن الهدف وصلكم

    نترككم في أمان الله وحفظه

     
  2. منة الله

    منة الله طاقم الإدارة إداري

    حلقة جميلة وحوار رائع مضحك جدا ويحمل معاني كثييييرة

    ربي يفرج الاحوال

    بارك الله فيك اخي عبد الله
    ​
     
  3. القمر الحزين

    القمر الحزين عضو جديد

    بارك الله فيك أخي الفاضل .... و انا اقرأه كأني بي و سط هذا الحوار تبادر الى ذهني كيفية الشاب و كيفية المصور ..... حقا انه يعالج مشكلة البطالة في اوساط شبابنا اليوم
    وعلاقاتها بالحياة او الزواج
     
  4. محب العلم

    محب العلم طاقم الإدارة إداري

    ما شاء الله

    استمتعت حقا بقراءتها
    ( أفضل من اننا نشوفو التلفيزيون ولا واش قالوا خويا عبد الله - ابتسامة - )

    في المتابعة بإذن الله
     
  5. عادل الطيار

    عادل الطيار عضو وفيّ

    بسم الله الرحمن الرحيم

    الحوار رائع
    بارك الله فيك
     
  6. نور القمر

    نور القمر عضو فعال

    حوار رائع شكرا اخي عبد الله
    تقبل مروري
     
  7. لميس

    لميس عضو وفيّ

    حوار جد جميييييييل ولطيف
    شكرااااااااا على الحلقات الجميلة اللي تقدمونها
    نحن في المتابعة والله يفرج
     
  8. ايناس

    ايناس عضو وفيّ

    حوارررررررررر جميل
    شكراااااااا
     

مشاركة هذه الصفحة