السلام عليكم ورحمة الله وبركاته ها قد عدنا إليكم بعد غياااااب طويييل بحصة جديدة من حصص كل شيء ممكن في بلدنا لقد سبق وأن وعدناكم بإكمال الحوار الذي جري بين عثمان ولخضر ولظروف ما لم نستطع إكمالها فيما سبق والآن نعود ونكمل ما بقي وهذا رابط الجزء الأول من الحوار http://www.9alam.com/forums/showthread.php?t=8826 والآن نترككم مع الجزء الثاني من الحوار نرجو لكم متابعة قيمة : عثمان ولخضر الجزء الثاني لخضر : لوكان يعطوهالي صح ...غادي نبقى نشوف فيها شوية ونبدا نبكي على حالي .. عثمان : تبكي !! لخضر : واه نبكي شوية نبكي على زهري العيان عثمان :المهم بغيت تبكي ولا تقعد المهم بلاك تنساني اذا عطاوك لوجمة هذي لخضر : والو يا صحيبي ماتخافش والله غير يعطوهالي غادي نبيع جدها ونشري سيارة ..وتولي تركب معايا ..ونحوسو بيها عثمان : تبيعها ! لخضر : واه نبيعها ..ونشري سيارة .. ونولي نرقد في السيارة عثمان :ايا مليح :: :: ايا هنا قعدو المساكن يخمو طول الليل :: :: عثمان : مراد لازم نروح نرقد درك غدوى نتلقاو لخضر : ايا صاحا روح ترقد عثمان : وانت تاني لازم تروح ترقد وتريح غدوا راه عندك نهار كبير لخضر : والله يا خويا عثمان عندنا ضياف اليوم ولازم نبات برة عثمان :آآآوااه اليوم تاني تباة برة لخضر : واه والله كرهوني هذون الضياف كل يوم عندنا واش يحوس عندنا عثمان : ايا تصبح بخير غدوا ان شاء الله لخضر : ايا تصبح على خير ايا راه وقت النوم درك .. :: :: والمساكن بقاو يحلمو ههههههه :: :: عثمان :صباح الخير لخضر لخضر : صباح الخير يا عثمان عثمان :وين رقدت امبارح لخضر : ياو رقدت في الحمام انتاع بايع راسو عثمان : واش يا لخضر خرجت الورق ولالا لخضر :واه خرجتهم كامل ..والله كرهت وانا نجري على الورق عثمان : ايا مليح وكي خرجتهم ..مي سمعت تاني خبر واحد اخر لخضر: خير واش هو تاني عثمان :راه يقول لازم تخلص 10ملاين باش يعطولك اللوجمة لخضر :الله اكبر ...واش هذا ..واش هذا الخبر مع الصباح عثمان :راه الوزير صرح بيها امبارح لخضر :الله لاتربحك لا انت ولا الوزير انتاعك وانا بايت نخمم ...حلمت روحي ديت اللوجمة وبعتها وشريت سيارة وجااي انت درك تقلي راه يقول الوزير 10ملاين عثمان : ها راه الوزير يقول مش انا لخضر : نقلك حاجة يا عثمان انا مين رايحة تجيني 10ملاين ياك راني قاعد تحت الحيط برك عثمان :راه ربي يفرح يا لخضر لخضر :شوف يا عثمان راك وصلتني لخلاها عثمان : وعلاش تقول هاك يا لخضر ؟ لخضر :شوف ياعثمان وصلتني حتى وليت نخمم بزاف في هذي اللوجمة كنت مريح راسي من التخمام وزدت عليا انت عثمان :آآآآواه واش بيك انت تاني هبلت ولا واش لخضر :واه هبلت راك طيحتلي المورال كامل روح بعدني احسن عثمان : يالخضر يهون عليك قلبك وتسمح فيا لخضر : خير يا عثمان تروح تبعدني ولا نقتلك درك عثمان : آآآواه يا صحيبي باغي تقتلني لخضر : واه نقتلك روح بعد جدي راك هبلتني ...كنت مليح مي درك راه قلبي تعمر روح بعدني روح احسنلك روح عثمان :اواه صحيبي راك هبلت لخضر : ارواح تشوف واش نديرلك :: :: ايا هنا لخضر جبد موس لعثمان وعثمان هرب :: :: لخضر : ياووو احكمو جدووو ارواح ارواح اليوم نجبدلك قلبك ارواح عثمان : ياو نجيك باش تقتلني جاامي لخضر : ياويلك لوكان نحكمك ... عثمان : ياو تحكم عشرة ههههه لخضر : معليهش اهرب مي كي نحكمك ماتبكيش ...هبلتني شيبتلي راسي خليتني نحلم في اللوجمة ..وحلمت بعتها ...ودرك جاي تقلي ...راه يقول الوزير لازم تخلص 10ملاين ...انا ماعنديش باش نشري قارو الله لا تربحك لا انت ياعثمان ولا الوزير انتاعك :: :: :: وفي الأخير نتمني أنكم إستمتعتم بالحوار ودمت في رعاية الله وحفظه نلتقي في حلقة جديدة إن شاء الله
مليح والله غير راك سيناريست كبير ياه باين قريت فالمسرح والله غير راك جايبها يا مو كمل كمل راني نشوف فيك من لبعيد