مرحبا غالياتي اليوم باذن الله نويت نقدم حلويات بسيطةوسهلة واقتصادية نبدأ ب الوصفة الأولى les volcans 320 غ فرينة 200 غ شوكولا سوداء 100غ مارغرين 4 حبات بيض 100 غ سكر رطب قرصةملح ، 1 خميرة كيميائية، القليل من الفانيلا ، سكر رطب للتزيين نذوب الشوكولا والمارغرين في حمام مائي au bain marie في وعاء نضع البيض والسكر ونخلط جيدا بالخلاط الكهربائي حتى نتحصل على موس ثم نضيف الخليط ( زبدة وشوكولا) مع الخلط المستمر بالخلاط ومن ثم نضيف الفرينة والخميرة والفانيلا وايضا نستمر بالخلط بواسطة الخلاط نتحصل على عجينة طرية جدا نضعها في الثلاجة لمدة أقصاها 3 سا ثم بعدها نعمل كويرات ( 40غ) نرمدهم بالسكر الرطب ونحطهم في صينية مرشوشة بالفرينة وندخلوهم للفرن سخون مسبقا الوصفة الثانية les papillons 200 غ سكررطب 250 غ مارغرين طرية كأس مايزينا 3 صفار بيض مغرفة صغيرة فانيلا نطموها بالفرينة الحشو: حلوة الترك في وعاءنخلط السكر والمارغرين بالملعقة ثم نضيف صفار البيض بعدها المايزينا والفانيلا ونكمل نطمها بالفرينة حتى نتحصل على عجينة ما تلصقش ناخذ القليل من العجينةوفي وسطها نعمل شوية حلوة الترك ونغلق عليها ثم نحطها في لي مول بعدما ندهنهم بالقليل من الزيت ونرش عليهم الفرينة( لي مول على شكل ربطة العنق papillon ) ندخل الحلوى للفرن ساخن مسبقا و لما تطيب ننزعها من لي مول بعد ما تبرد الوصفة الثالثة les petits sablets 400غ فرينة 250 غ زبدة طرية 250 غ سكر رطب 250 غ مايزينا حبة بيض وصفار بيضة قرصة ملح باكي خميرة ملعقة صغيرة فانيلا ونحتاج للتزيين معجون المشمش نخلط السكروالزبدةجيدا بملعقةخشبية ثم نضيف البيض وقرصة الملح ونخلط جيدا بعدها نضيف المايزينا ، الفرينة، الخميرة والفانيلا ، نكمل الخلط فنتحصل على عجينة نغطيها ونتركها ترتاح قليلا نحل الفرينة على طاولة مرشوش عليها القليل من الفرينة لسمك4 مم ثم نعمل اشكال بواسطةلي مول نتاع لي سابلي نحط الحلوى في صينية مرشوش عليها القليل من الفرينة وندخلها للفرن اللي كنا سخناه مسبقا بعد ما تطيب الحلوى وتبرد نجمع كل حبتين مع بعض بالمعجون وبالصحة والهنا
بارك الله فيك عزيزتي على الوصفات الجميلة جربت les petits sablets وجاو روعة عجبو الزوج كثيرا وبالتأكيد رح نجرب الوصفتين الباقيتين ونردلك خبر يعطيك ألف صحة على الوفاء
بارك الله فيك حنونتي سندس على الوصفات الرائعة والله غير نجربهم موضوعاتك دائما مميزة ولكنك اكثر تميزا في انتظار جديدك