السلام عليكم و رحمة الله و بركاته اليوم حبيت نعمل خبز لذيذ وتحضيره سهل جدا و على هذا يلزمنا كيلو فرينة كأس رايب 2 مغارف أكل خميرة الخبز 20غ ملح 2 مغارف أكل سكر نطموه بالماء الدافيء التحضير نخلطوا كل المقادير السابقة الذكر و نضيف الماء تدريجيا حتى نتحصلوا على عجينة طرية ، نعجنوها بعض الوقت ثم نغطوها و نخلوها تخمر ، بعدما تخمر العجينة، نعاودوا نعجنوا شوية و نقسمها إلى كريات (كيما نتاع لمحاجب ولا كثر شوية) نرش الفرينة على الطاولة و نحل العجينة نتاعنا بالحلال، السمك نتاعهاتكون حوالي 0.3- 0.4 سم ( رقيقة) قبل ما نحطوا الخبز في الفرن لازم يكون سخون جدا ، اللي عندو فرن يشعل من تحت و من فوق افضل لكن اللي ما عندوش يشعل الفرن من تحت بدرجة عالية و نخلوه مدة و هو يسخن و الصينية اللي رايحين نطيبوا فيهاالخبز بداخله نحتاجوها سخونة جدا ( مهم )ثم نطفوه من تحت و نزيدوا نعاودوا نشعلوه من فوق طبعا هاذ الخدمة نديروها لما نبدا في عجن العجينة للمرة الثانية . . . . نكملوا الآن الفرن نتاعنا شاعل من فوق و سخون جدا نحط الخبز الان بداخلو و هذا هو الخبز و هو بداخل الفرن ، شوفوا كيف انتفخ طيابو ما يسحقش وقت طويل ما نغفلوش عليه بضع دقائق ، لما نشوف ان الخبز نتاعنا نضج من فوق ، نقلبوه و نخلوه ياخذ لون من الجهة الأخرى بعد ما ينضج الخبز نحطوه في كيس بلاستيكي ( باش يطرى)و هكذاك حتى نكملوا كل العجينة و بصحتكم
واو باين الخبز يشهي صراحة الخبز بالرايب معروف الماصوين ياكلوه عند اللبان وقت الفطور الخبز وحدوا والرايب وحدوا بالطبع ههههههههههه يعطيك الصحة
اوووووووووووووووووه هاذي غوسات ولا خلي تحضيرو سهل جدا جدا عجبني كي يطيب في الفرن احسن من التعب والسخانة تع الطااااااااجين شكلو رائع وباي شي متوفر يتعمر بيه رح يجي بنييييييين اكيد بااااااااااااااااااارك الله فيك عزيزتي مميزة ونشيطة دااااااائما الله يبارك