السلام عليكم ورحمة الله وبركاته حياكم الله جميعا اليوم إن شاء الله نعملوا خبز لذيذ جدا وسهل التحضير ولذلك يلزمنا المقادير 100غ عجينة مخمرة ( 100غ فرينة، 10غ خميرة الخبز،5غ سكر، 50غ ماء دافيء) كيلوفرينة كاس شاي زيت كاس شاي حليب ( دافيء) 2 ملاعق اكل خميرة الخبز 15غ ملح 1 خميرة كيميائية رطل بصل اخضر مقطع رقيق( البصلة الطويلة) ربطة معدنوس مقطعة رقيق 300غ جبن شيدار نطموها بالقليل من الماء الدافيء للتزيين زيتون اخضر مقطع ، شيدارمسكرفج ، بيض التحضير أول شيء نحضروا 100غ من العجينة المخمرة نضع في وعاء المقادير الخاصة بالعجينة المخمرة نخلطها مع بعض ونتركها تتخمر فنتحصل على العجينة المخمرة فوق العجينة المخمرة اضيف كل المقادير اللي سبق و ذكرتها في البداية ( فرينة،بصل، معدنوس،ملح، خميرةكيمائية وخميرة الخبز جبن مبشور ، زيت وحليب نلم مع بعض وثماضيف الماء الدافيء تدريجيا حتى اتحصل على عجينة نخليها تخمر حوالي ربع الى عشرين دقيقة ثم نعجنها شوية ونخليها تزيد تخمر للمرة الثانية من بعد نزيد نعجنها شوية ندهن صينية الفرن بالزيت ونرش عليها شوية فرينة ونحل العجينة باليد داخل الصينية ندهن وجه الخبز بالبيض ونرش الزيتون الأخضر و الشيدار المسكرفج نحطوه في فرن يكون سلخن مسبقا إن شاء الله تجربوه ويعجبكم شهية طيبة
السلام هليكم ورحمة الله وبركاته حبيبتي سندس جربت الوصفة تاعك في رمضان لي فات وجا الخبز تحفة يعطيك الصحة صورتو و منذ ذلك الحين وانا نقول نحطه هذا وين كتب ربي أعطيني رايك