السلام عليكم ورحمة الله وبركاته طلب لأهل العلم بالطبخ طبعاااا وتبدأ المعانات ... الدار راحوا في عطلة وخلاوني وحدي نعاني مع الكوزينا اليوم راني حاب نطيب الشاربة اللي يعرف كيفاش تنطاب يقولي وأجروا على الله ( للعلم أنني جامي طيبت ) .:.: أخوكم :.:.
السلام عليكم اذا كان تقصد الشوربة انا نقولك انا إن شاء الله تعجبك تحضير المواد البصل حبة متوسطة كرافس دبشة فلفل اسود ملح كسبر مرحي حبتين طماطم فلفل اخضر النعناع المرحي او الاخضر الزيت اما زيت الزيتون او زيت المائدة فنجان فريك او دويدا او لسان عصفور بالنسبة للحم الكمية كما تريد نصف رطل او رطل دجاج او لحم غنم طريقة التحضير قص البصل رقيق جدا او في المبشرة وقص الدبشة والكرافس رقيقة جدا ايضا وجيب قدر غامق نوعا ما وحط فيه البصل والحشاوش الي قصيتهم واللحم*اذا كان دجاج راح يطيب في ساعة تقريبا اما اذا كان غنم راح يبطا شوياالا اذا ستعملت قدر الضغط*وزيد الفلفل الاسودم نصف ملعقة صغيرةوالملح نصف ملعقة صغيرة وتذوق في الاخير وضع الكمية المناسبة وحبات الطماطم حكهم في المبشرة وزيدهم للقدر والزيت ثلاث ملاعق اكل وخليهم يتقلاو مليح وزيدهم شوية ماء وخلهم يغليو مليح حتى تشوف ان اللحم دخلو الطياب حط حوالي لتراو لترونصف ماء وخليه يغلي مليح ونسيت الطماطم المصبرة ملعقة اكل متوسطة لما يطيب الللحم حط الفريك او لسان العصفور فنجان والفلفل الاخضروخليه حوالي عشر دقائق واطفي الموقد وزيد نصف ملعقة صغيرة نعناع مرحي او اوراق النعناع الاخضر وتقدم مع سلطة والخبز او الكسرة وشهية طيبة وإن شاء الله تنجح في العملية .
باااااارك الله فيك والله تستحقين لقب طاهية الفيض إستفساااار وإذا مكانش اللحم و الدجاج ( المزانية ناقصة هذو اليامات ) تصلح ولالالا إذا كان نقدر نطيبها بلا لحم أو الدجاج رايح نطيبها في العشاء إن شاء الله .:.: أخوكم :.:.
السلام عليكم اولا انا لست طاهية ماهرة انما اردت المساعدة فقط اما عن طلبك لم اجربها من قبل دون لحم ويمكن ذلك لكن لن تكون لذيذة مثل كونها باللحم. او اسال التي كانت تطبخ لكم.
وعليك السلام ورحمة الله وبركاته في الحقيقة سألة الوالدة حفظها الله وقالت أنها لم تجربها بدون لحم من يعرف يجاوبنااا بارك الله فيك يا أختي الفاضلة على المساعدة .:.: أخوكم :.:.
تطهي بدون لحم الشربة وتكون لذيذة جدا في زيادة التوابل لها وضع الثوم بدل البصل أو جامبو خروف ثمنه رخيص ويعطي نكهة في الأكل