مقادير الحشوة لحم مفروم..بصلتين كبار مفرومة..كزبرة وبقدونس مفرومة..بهارات مشكله..كمون وفلفل أسود مطحون..رشة ملح وكوب ماء عشان نطبخ فيه اللحمة المفرومة طريقة الحشوة ضعي الماء واللحم على نار هاديه يطبخ لين تنشف الموية ثم نضع البصل ونحرك وبعدين نضيف البهارات واللحم ونحرك على نار هادية لين تتشبع اللحمة بنكهة البهارات والبصل ونطفي النار ونضيف الكزبرة والبقدونس ونحرك ونخليها على جنب لحد ماتبرد ونبداء نحشي السمبوسة أخليكم مع الصور طريقة العجينة 1كاس دقيق أبيض و1كاس دقيق أسمر نصف فنجان شاي زيت رشة ملح وماء دافي بدون مقدر لين تتماسك العجينة الطريقة أخلطي المقادير مع بعض وأعجنيها بالماء الدافي لحد ماتتماسك وخليها ترتاح من ساعة إلى ساعة ونصف عشان تطلع العجينة وقت القلي هشة ومقرمشة وبعدين إفرديها وإحشيها وإقليها وتمتعي بأطعم سمبوسة بف أخليكم مع الصور العجينة تكون كذا وقت الفرد خليها رقيقة تكوني مجهزة قطاعة السمبوسة وبكذا نكون إنتهينا من حشي السمبوسة في أثناء ماأنتي تحشي السمبوسة تكوني مشغله على الزيت عشان تنقلي بسرعة وماتشرب زيت كثير 7 7 7 7 7 7 ماشاء الله تبارك الله وهذا الشكل النهائي بصراحة الريحة روعة وأطعم أروع أنصحكم جربوها يم يم يم إذا جربتوها راح تدمنوها إن شاء الله الطبق يعجبكم وإن شاء الله أشوف تطبيقاتكم الوصفة كثير سهلة ولذيذة أنصحكم جربوها الدقيق المستخدم دقيق فاخر الأبيض ودقيق أسمر شريته من مطاحن الدقيق أنا ماقدجربت دقيق فاخر الأسمر وللي سألت إذا ماعندها قطاعه ممكن تسويها على شكل هلال إيو ينفع إضغطي على أطرفها بالشوكة عشان تتسكر تماما بالنسبة لفرزنه السمبوسة أنا أفرزن العجينة وأطلعها قبل بوقت وأكون مجهزة الحشوة وأحشيها لكن ماقد حشيتها وفرزنتها واللحم من لحم الذبيحة قطعته صغار وفرمته بفرامة البصل أنتظر ردودكم الحلوة تم بحمد الله لا تنسوني من صالح دعواتكم اللهم لك الحمد على نعمة الأمن والأمان والصحة والعافية وقفة