شربة فريك المقادير أطراف دجاج او لحم غنمي حسب الرغبة بصلة كبيرة حبة بطاطا متوسطة 4 حبات طماطم ناضجين مليح حشيش مقطفة ملعقة أكل طماطم مصبرة فلفل حار ( إختياري ) حميصة من الأفضل تكون طايبة من قبل 3-4 ملاعق أكل زيت ملح - فلفل أكحل - كسبر- راس الحانوت التحضير في طنجرة نضع الدجاج و الخضر مقطعين بشكل كبير و نضيف بضعة اغصان حشيش مقطفة نقطعوه شوية من الأطراف ثم نضيف التوابل و الطماطم المصبرة بعد ما نحلوها في شوية ماء و نترك الكل يتقلى مليح على نار هادية ، من بعد نضيف الماء قيس ما يتغطى الدجاج و نتركوه على النار لحد النضج و ما ننساوش نحط وريقات نعناع فوق غطاء الطنجرة ، نضيفوه في الأخير على شكل مسحوق الدجاج هنا راهو واجد ننزع الدجاج من الطنجرة و نرحي الخضرة نتاعنا و نزيد نضيف الماء على حساب أفراد الأسرة أنا عملتها على حساب 4 - 6 أفراد و نضيف الفلفل الحار راح يعطي نكهة رائعة للشربة و حفنة من الحميصة لما يغلي المرق نضيف مقدار فنجان فريك و نترك الكل حوالي 20 دقيقة و تكون الشربة نتاعنا بعدها جاهزة نضيف اللمسة الأخيرة ، نفرك النعناع بين يدينا و نضيف حشيش مقطفة مقطع رقيق بالصحة و العافية