أرشيف قصص جزائرية تموت بالضحك

السلام عليكم :
قالك واحد السيد يسكن في القرية نجح في الباكالوريا ، و باش يروح للجامعة يقرا خاف يضحكو عليه قالتلو يماه :روح برك النهار اللول (اليوم الأول) يضحكو عليك والنهار الثاني يضحكو عليك والنهار الثالث توالف وتروحلك العقدة قالها : مالا ما نروحش حتى النهار الثالث خير .
---------------------------------------------------------------------
قالكم مرة كاين واحد الشايب مريض قريب يموت وهو على الفراش عيط لاولادو (أولاده) باش ينصحهم وقالهم كل واحد يجيب معاه عصا صغيرة ، أ يا دارو عليه أولادوا وجابوا معاهم العصي عطا الشايب لواحد من أولادو 2 عصيات وقالوا كسرهم ايا ولدوا حكم كسرهم زاد عطالو 3 زاد كسرهم وبقى يزيدلوا حتى
وصل ل 9 عصيات قالوا هاك كسرهم قالك حكمهم الطفل هذاك زاد كسرهم !!!شاف فيهم باباهم وقالهم: روحوا يا ولادي مدام معاكم الجحش هذا ما نخافش عليكم.
----------------------------------------------------------------------------------
قالك مرة وحد الراجل متزوج زوج نسا (زوجتين) وحدة من ولاية ...........ووحدة من ولاية.......... وهو ما ماشيين في الطريق طاحتلو السيارة أومبان (En panne) . نزلت الاولى وقالتلو شوف بالاك لابوجي بالاك الموتور بلاك...بالاك..بالاك...
قالت الثانية كيفاه هذي تفهم خير مني زعما تفهم في كلش راحت للراجل وقالتو ..يا راجل شوف شوف بالاك نسيت البرمي (رخصة السياقة) علابيها طاحة أومبان .
------------------------------------------------------------
السلام عليكم :
قالك واحد من كثرة ما خسر بالبورصه دراهم بزاف ، السيد طاح مريض هزوه عند الدكتور
الدكتور وهو يكشف عليه قالو يا الله ضغطك وصل 70 لــ
صاح المريض و قالو : بيع بيع بييييييييييع ما تسألش
--------------------------------------------------------------
قالك واحد راح لطبيب باش ينحيلو مسمار دخلو في رجلو ، الطبيب كي قالو : 2500 دينار ، المريض جاوبو و قالو يرحم باباك عوجو و خليه.
--------------------------------------------------------------
مزطول يقول لصاحبو : أنا شي واحد فالدنيا هاذي راه مجنني و ما فهمتوش؟ قالو صاحبو واش هو؟
قال المزطول : الحمار الوحشي أبيض و مخطط بأسود و إلا بالأسود ومخطط بأبيض ؟
---------------------------------------------------------------
ميكانيسيان (Mécanicien) اشترى سرير جديد رقد تحتو.
-------------------------------------------------------------
قال القاضي للمتهم: ماذا تعمل؟
أجاب المتهم : قبل الظهر لا عمل لي ، و بعد الظهر مع عمي .
فقال القاضي : و ماذا يعمل عمك؟
أجاب المتهم : قبل الظهر يعمل معي ، وبعد الظهر لا يعمل.
------------------------------------------------------------------
قالك واحد السيد دخل للقهوة و قال للقهواجي (صاحب مقهى) : عندك قهوة باردة؟ القهواجي قالو: لا , زاد جاه غدوة (الغد) وقالو كيما المرة اللولة ورد عليه : لا, وعاد كل يوم يقولو : عندك قهوة باردة؟ واحد النهار قال القهواجي : والله نوجّدلو قهوة باردة قبل ما يجي، و بعد ساعة جاء الزبون وقال له: عندك قهوة باردة؟ قالو: نعم, قال: سخّنها وجيبهالي الله ينورك.
--------------------------------------------------------------------
قالك مرة واحد بخيل بزاف بزاف...احترقت داره (بيته) .... واش يدير راح يحمل الهاتف النقال (البورتابل) نتاعو
و بعدها بيبا (عمل Bip ) للحماية المدنية و جلس ينتظر الحماية المدنية حتى يتصلوا به
--------------------------------------------------------------
الأغنياء الثلاث
ثلاثة أغنياء أرادوا التبرع بأموالهم للفقراء وكان ثالثهم بخيل جدا . فقال الاول /سوف أرسم دائرة وأرمي نقودي فالتي تقع داخلها لي و التي تقع خارجها للفقراء . وقال الثاني /أنا أرسم خطا و أرمي فما وقع على اليمين لي وعلى اليسار للفقراء . أما الثالث /أرمي نقودي في السماء التي تسقط لي والتي تبقى في الهواء للفقراء
--------------------------------------------------------------
ثلاث مرات
المريض /لقد شربت الدواء أمس ثلاث مرات يا دكتور . الطبيب /كيف تشرب ثلاث مرات؟ ألم أقل لك تشرب كوبا واحدا فقط عندما تصحو من النوم ؟ المريض / و ماذا أفعل وقد اسيقضت ثلاث مرات
--------------------------------------------------------------
الاستمرار
طبيب عيون لمريضه الغبي / عليك أن تغسل عينيك باستمرار . المريض /وأين يباع هذا الاستمرار
-------------------------------------------------------------------------------------
قالك واحد السيد واحد النهار اشترى 02 مقانن (طائر الحسون) و حطهم في لاكاج (la cage) أي القفص ، واحد بدا يغني و الثاني ساكت ، السيد راح رجع للبائع قالو "علاش واحد يغني ولاخر ديما ساكت" ، واش قالو البائع ؟ قالو "على خاطر واحد مطرب و الثاني ملحن".
____________________________________________________________________________
قالك واحد النهار واحد السيد قاعد غير يدور ، جا ليه صاحبو قالو واش بيك من الصبح و أنا نشوف فيك غير دور" ، رع عليه السيد و قالو "راني حاب نشوف ظهري".