قالوا زمان، أمثال شعبية مغربية

Discussion in 'مواضيع عامة' started by نور القمر, Jun 24, 2009.

  1. نور القمر

    نور القمر عضو فعال

    [​IMG]


    قالوا زمان، أمثال شعبية مغربية ​



    * اللي قالك لا تقولو و اللي سولك لا تعطيه خبار.

    * معرفة الرجال كنوز.
    * يلى شفتيهم دورو علينا عرف حاجتهم فينا.
    * اللي زرع الشوك تيحير فاحصادو.
    * اطلع تاكل الباكور انزل شكون قالهالك.
    * العمش فدار لعمى بعينيه.
    * الحر بالغمزة و العبد بالدبزة.
    * ما مور الشدة الا الفرج.
    * اللي تيتسحر مع الدراري كيصبح فاطر.
    * حاول على حميرك تحج عليه.
    * اللي فاتك خليه لبناتك.
    * الله ينجيك من المشتاق يلا فاق.
    * دوز على الهرهوري و لا دوز على الساكوتي.
    * السلطان بالتاج و كيحتاج.
    * اللي عضو الحنش كيخاف من الحبل.
    * خدم يا التاعس لناعس.
    * اللي كيربي ولاد الناس بحال اللي كيدق الما فالمهراز.
    * نوضوها تشطح دارتها بصح.
    * اتاي لعشية خير من بقرة مشوية.
    * حسابتني كرمة وفيها الكرموص سعا هي خربة و فيها الناموس.
    * الي ما عندو هم كتولدو لو حمارتو.
    * يد في الطبق و عين على من زهق.
    * تعلمو يا الحجاما فروس ليتاما.
    * بحال الي تيسعى بولدو على كتفو هو تيقول انت على الله و ولده تيقول الله يجيب.
    * جبنا القرع ينوسنا عرى راسو و هوسنا.
    * دابزو يا الفيران على خميرة الجيران.
    * الزواج و الموت هم لا يفوت.
    * المراة الحرة ما تاكل غير من يد زوجها.
    * الراجل بدراعو ماشي بمتاعو.
    * اللي حبك حبو و لقلبك زوجو و اللي جفاك جفيه و تعداه و دوزو.
    * تهجالت لعناية و لا زواج الدل.
    * خود بنت قرابة و لا تاخد بنت غرابة.
    * يا الطامع في الزيادة رد بالك من النقصان.
    * ابنادم دربو على حلقو ينسى اللي خلقو.
    * يلا كان خوك عسل ما تلعقوش كلو.
    * التربية في الصغر كالنقش على الحجر.
    * العصى ما كتخلي من يعصى.
    * ولد ولدك زوين ما تعدمشي اللي يبوسو.
    * لهلا يورينا فولادنا ميخلعنا.
    * ادعاوي بارشاوي.
    * عيطت على ديالي جاني عيطت على ديال الناس مشى و خلاني.
    * اللي كثرو همومو كثرو اعجوبو.
    * يلا بغيتي اتوحش صاحبك سلفو.
    * اللي درقك ابخيط درقو بحيط.
    * تيدور الزرع حتى كيدور وكيرجع لعين الرحى.
    * يلا امشا الزين كيبقاو حروفه ويلا امشا المال كيبقاو خروقه.
    * الخير كيجلس والهم كيكمش.
    * كيدق ويقول شكون.
    * كيبيعو الارض ويضحكو على من شراها.
    * الغربة كتلوح حتى لبلاد الشلوح.
    * ما يحس بالمزود غير اللي واكل بيه.
    * اللي دارها بيديه يفكها بسنيه.
    * قالو اشخصك يا لعريان قالو الخاتم يا مولاي.
    * ما بين اللقمة و الفم تيريد ويحكم.
    * الضحك كيفصخ البيع.
    * اللي حبك ما بنالك قصر واللي كرهك ما حفرلك قبر.
    * اللي تيكون اناني تيبقى وحداني.
    * اللي اربحتيه تاكله و الدين باش تخلصو ؟
    * اللي ما جابتو المحبة ما تجيبو الحزارة.
    * اللحية مكترفد اللحية غير لقبر.
    * اليد اللي طعمتنا الحلال تيكونو ناسها قلال.
    * خليني نبلع ريقي حتى نعرف عدوي من صديقي.
    * اللي ربط حمارو مع الحمير كيتعلم الشهيق و النهيق و الخروج على الطريق.
    * اللسان طويل و الدرع قصير.
    * اش يقدك من الصلاة يا البايت بلا اعشى.
    * الجمل ما كيشوفش حدبتو كيشوف غير حدبت خوه.
    * ما ينفع غير الصحيح اما الراشي كايديه الريح.
    * اللهم اعمش ولا اعمى.
    * اللي شاف شي يقول الله يستر.
    * مول البنات ما يبات هاني.
    * ازرب تعطل.
    * لو كان الخير فيا ما يتزوج راجلي عليا.
    * كان راجلي واصبحت انعشقو.
    * يعيى من يعطي وما يعيى من يشد.
    * اللي حبابو عريانين عمرو ما يتكسى.
    * ملي كطيح البقرة تيقواو السكاكن.
    * اللي احشم فما ضرو الشيطان غرو.
    * لو كان الخوخ يداوي لو كان داوى راسو.
    * الله يجيب اللي يفهمنا ولا يعطنشاي.
    * هاك ابوه رجليه جابوه.
    * حتى يخلاق عاد نسميوه عبد الرزاق.
    * الله يعطينا شي نقرة فين يغبر نحاسنا.
    * حتى قط مكيهرب من دار العرس.
    * الصنعة يلا ما غنات كتستر واقيلة كتزيد فلعمر.
    * اشعند الميت ما يدير قدام غسالو.
    * شحال ما طال الليل كيصبح النهار.
    * جلسة احسن من وكلة.
    * نقا على نقا ما تيورد شقا.
    * الزيادة من راس لحمق.
    * كول بشهوتك و لبس بشهوت الناس.
    * قالو اشمتك قالو اعرفتك.
    * شد تصيب ما اتحل.
    * اللي احفر شي حفرة كيطيح فيها.
    * اللي ما لقى الخير فركانو يكون الخير فلسانو.
    * ما دير خير ما يطر باس.
    * شطارت الكوزينة كتشري مدينة .
    * حاسبني حساب عدوك و جلسني بلاصت خوك.
    * دهن شواربك بالسمن و دوز على عدوك مصبن.
    * اللي ماجي لعندك لا تمشي عنده.
    * اللي اتخدمو طيعو و اللي اترهنو بيعو.
    * كن اسبع و كولني.
    * يلا شفتيها بسعدها عرفها مكملا من عندها.
    * ما تشري حتى تقلب و ما تصاحب حتى تجرب.
    * امدح صاحبك قدام الناس و لوح صحبك الراس فالراس.
    * العراضة سنة و العاقل ما كيدنى.
    * حج و حاجة و قضيان حاجة.
    * يلا فاتك الكلام قول اسمعت ويلا فاتك الطعام قول اشبعت.
    * كل غيبة كتزيد هيبة.
    * عز الخيل مرابطها.
    * اللي تيركب لحصان كل الناس اتوسعلو لمكان.
    * العز والنصر والسكنة فلقصر.
    * الموت بالردم ولا معاشرت لخدم.
    * سوق النسا سوق مطيار يا الداخلو رد بالك يوريوك من الربح قنطار وياكلولك راس مالك.
    * ديرها فالرجال وترجاها و ديرها فالنسا و لا تنساها.
    * مراة المنحوس ما هية مطللقة ما هية عروس.
    * حالتي حالت النافخ العافية على قلبو و الطيقان فجنبو.
    * ملي تنحتاجك يا وجهي كيخبشوك لقطوط.
    * الجوع و النوع و البكا بلا دموع.
    * منحوس منحوس و لو على راسو فانوس
    ​
    * عمرو ما احبى وملي احبى طاح فلبير.
    * رضينا بالهم والهم ما رضا بينا درناه عند راسنا صبح عند رجلينا.
    * الحنة حرشة و الحناية عمشة و العروسة فيها بو تفتاف.
    * محيلي المكتوب وانا انتوب.
    * حسدو العمى على عكازو.
    * عاند ولا تحسد.
    * السفيه ما كينطق غي بلي فيه.
    * ودن صمة و الاخرى فيها الماء.
    * اللي ما شاف من عين الغربال اعمى.
    * غرزة زايدة فيا و هم لعرى فايت فيا.
    * القرع بفلوسو ارى ديك الراس نبوسو.
    * ادفع ما في الجيب يجيب الله ما في الغيب



    يا رب تكونو فهمتو حاجة هههههههههههه

    اختكم مغربية
    ​

     
  2. نور القمر

    نور القمر عضو فعال

    ما فهمتو ولا شيء ولا حتى معنى
     
  3. منة الله

    منة الله Staff Member إداري


    موضوع رااااائع سلمت يداك حبيبتي

    هذي بعض الاماثال لي كاينة باللهجة الجزائرية

    نفس المثل عندنا بالجزائر

    جوز على الواد الحامل وماتجوزش على الواد الساكت
    امشي على الواد الحامل وماتمشيش على الواد الساكت

    مول التاج ويحتاج

    اللي يعضو الحنش يخاف من الحبيلة

    يتعلمو الحفافة في راس ليتاما

    اذا كان خوك عسل ماتلحسوش كامل

    لي هز وليدي وباسو كلي رفدني على راسو

    الخير يللش والهم يكمش

    مايحس بالجمرة غير لي كواتو

    اللي دارها بيديه يحلها بسنيه

    جمل ماشافش عرورتو شاف عرورة صاحبو

    العمش ولا لعمى


    لي موالف بالحفى ينسى سباطو

    لي موالف بالحفى مايلبس سباط
    ​
    نفسه

    كي يزيد نسموه بوزيد

    وش يدير الميت في يد غسالو

    كول وش عجبك والبس وش يعجب الناس

    لي حفر حفرة يطيح فيها

    حسبني كي خوك حاسبني كي عدوك

    لي ماجانا مانروحو ليه

    نفسه

    اذا فاتك الكلام قول سمعت واذا فاتك الطعام قول شبعت
    ومثل آخر : المعاودة في الطعام والشربة في رمضان

    الزوخ والنوخ والعشا قرنينة

    نفسه

    نفسه

    لي ماشاف من الغربال عمى
    يغطي الشمس بالغربال

    *******************



    ههههههه مع اني مافهمتهومش لكن التعابير تقتل بالضحك

    اريد شرحا اختي نور لو سمحتٍ awww_msgstuff_com_emoticons_showimage_php_c6371694b5f04fe776d368e36cca126d._.gif

    ​
     
  4. ايناس

    ايناس عضو وفيّ

    هههههههه
    لم افهم شيء.بارك الله فيك
    [​IMG]
     
  5. نور القمر

    نور القمر عضو فعال

    * نوضوها تشطح دارتها بصح.
    يعني قالو لها ارقصي عملتها بصح
    * اتاي لعشية خير من بقرة مشوية.
    يعني شاي المساء خير من بقرة مشوية
    * الي ما عندو هم كتولدو لو حمارتو.

    الي ما عندو هم اولده ليه اولادو
    * ادعاوي بارشاوي.


    * اللحية مكترفد اللحية غير لقبر.
    الرجل ما تيهز الرجل الا لقبر
    * كان راجلي واصبحت انعشقو.
    كان زوجها والان تتحبو
    * حتى قط مكيهرب من دار العرس.
    القط ما تيهرب من دار العرس
    * الحنة حرشة و الحناية عمشة و العروسة فيها بو تفتاف.
    الحناء غشنة والي بتعمل الحناء قليل شفها والعروسة خايفة
    * القرع بفلوسو ارى ديك الراس نبوسو.
    وخا قرع عندو لفلوس عطني داك راس نبوسو
    اتمنى تكوني فهمتي اختي منة الله
    لو ما فهمتي انا افهمك تاني
    شكرا اختي لمرورك الجميلبارك الله فيك


     
  6. نور القمر

    نور القمر عضو فعال

    شكرا اختي ايناس لمرورك الكريم
    هده الامثال قريبة من اللهجة الجزائري
     
  7. العمدة أمين

    العمدة أمين عضو وفيّ

    فعلا امثال جميلة
    لكن معضمها تشبه الامثال الجزائرية
    بارك الله فيك الاخت نور القمر
     
  8. نجيب

    نجيب Staff Member مشرف

    في الحقيقة لم أرى إختلاف كبير بين اللغة للأن تقريبا معظمها واضحة ومفهومة .مشكورة أختي المحترمة نور القمر على هده الأمثال الرائعة.بارك الله فيك وفي مواضيعكي الرائعة.جزاك الله الفردوس.
    دمت وفية للقلم.
     
  9. نور القمر

    نور القمر عضو فعال

    شكرا اخي امين اسعدني مرورك الطيب بارك الله فيك
     
  10. نور القمر

    نور القمر عضو فعال

    شكرا اخي نجيب اسعدني مرورك الطيب والكريم جزاك الله كل خير
     

Share This Page