السلام عليكم ورحمة الله وبركاته المقادير : كيلو فرينة 100غ عجينة مخمرة و اللي نوجدوها بـ ( 100غ فرينة - 10غ خميرة- 5غ سكر عادي- 50غ ماء دافيء ) مغرفة أكل ملح مغرفة أكل خميرة الخبز 500غ أو نصف لتر ماء دافيء للحشو، يستعمل الموجود في البيت التحضير بداية نوجدوا العجينة المخمرة بخلط كل مكوناتها ثم نتركها تتخمر بعدما تتخمر العجينة المخمرة نضيف لها كيلو فرينة ،مغرفة اكل خميرة ، مغرفة اكل ملح والماء الدافيء نخلط الكل مع بعض ونعجن الخليط ( العجن يكون بالخبط كيما نعملوا مع الخفاف ولحوالي 10 دقائق نتركها تتخمر للمرة الأولى نعجن مجددا لمدة قصيرة جدا ونتركها تتخمر للمرة الثانية نكسر التخمار وهاد المرة نقسم العجين لكريات بحوالي 80غ إلى 100غ ونعملهم على شكل خبيزات صغار باش نطيبوا هاذ الخبيزات في الحقيقة نحتاج الى صينية خاصة نجدها عند الخبازين لكنها غير متوفرة لدى العامة ولذلك نحاول ايجاد حلول داخل صينية الفرن العادية نستعمل ورق الألمنيوم بالشكل التالي ندهن الورق بالقليل من الزيت ونضع الخبيزات علاش نعملوا هاذ الخنادق بورق الأمنيوم ؟ لأن الخبيزات لازم يزيدوا يتخمروا ، والفواصل هاذي الموجودة بين الخبيزات راح تسمح لها بالتخمار للفوق و مش بالعرض بعد ما يخمروا الخبيزات نحطوهم في الفرن يكون سخون مسبقا درجة حرارة فوق المتوسط لحوالي 20 د لاحظوا اننا لم ندهن وجه الخبيزات وهاذوا الخبيزات بعدما خرجناهم من الفرن، شوفوا الوجه لونه ابيض لا نريد اللون الذهبي هنا وراح تلاحظوا إذا جربتوهم ان الوجه قاسي قليلا الدليل على انه استوى من الداخل طري جدا من الداخل وخفيف ايضا للحشو ، نستعملوا واش كاين تحت اليد الان وصلنا للمسة الأخيرة والمميزة جدا واللي من المفروض نستعملوا فيها آلة خاصة لكنها مش متوفرة لكن نستعمل بدلا عنها هاذ الشوايات موجودين في الأسواق وبأسعار معقولة جدا نحط الشواية على النار تسخن جيدا إذا كآخر لمسة : ندهنوا الخبيزات بالزيت العادي - إذا عندنا تونة بالزيت يمكن نصفوها ونستعملوا ايضا الزيت نتاعها - ونحط الخبيزات على الشواية ونضغط باستعمال مثلا- غطاء طنجرة - نقلب الخبيزات على الوجه الآخر ونضغط عليها ايضا ثم أمممم...... لذيذجدا وبالصحة والعافية
حراااااااااااااااااااااااااااااام عليك علاش تشهي فينا ؟؟؟؟؟؟؟؟؟؟؟ يعطيك الصحة باين يخرج بنييييييييين بزاف خير من تع برا هاديك الشواية شغل طاجين ولا واش ؟؟؟
يسلمك حنونتي ،ساهلين بزااف ديريهم وما تحصلينيش لوكان راكي قريبة ساااهلة نديرلك ونبعتلك نعرفك شاطرة في المطبخ و تسلكي راسك وهذيك شواية ، نعم هي طجين و تتحط على النار عادي ويمكن ايضا نستعملوا طجين المطلوع نتاع الحديد ماشي نتاع الطين