نصحوني مرة صحابي بالزواج ... و قالولي بركاك من التعواج راهي رايحة تديك المواج ... إذا بقيت في العزوبية بقيت نطلع في الحساب ... و لقيت كلامهم صواب و في الغد بعثتهم نواب ... يطرحوا لأهلي القضية بابا وافق في الحال ... و قال نجيبوا بنت الخال و يما جاها في البال ... يخطبولي وحدة بدوية تفاهمنا على بنت المدينة ... قالو فاهمة ورزينة راهي تمخمخ في الكوزينة ... وتطبخ طبخات زينة عولنا وقصدنا الدار ... حاملين في يدينا النوار ودرنا وحنا زوار ... قاصدين بنت معينة الخال في بنتو شكر ويزيد ... قارية وما تركتش المسيد وصحيحة كي الحديد ... بنت العلم والتربية قلت واش هي الشروط ... راني صرت ليكم مربوط ومالي عندكم محطوط ... ونزيدلكم الشهرية قالي يا وليدي سجل ... 20 صباط باش تبدل و50 سروال مفصل ... و يكونو ضيقين شوية وزيد كيلو ذهب صافي ... تجيبو وانت زاهي والشنتوف ما هو كافي ... راني درت فيكم مزية بنتي راهي غاية وشريفة ... ما تتركش يدها خفيفة 20 خاتم في القفيفة ... تحطهم في يدها هي وسلسله غاليه ما تنساش ... والمليون لازم يكون معاك والحايك مرمة لازم تلقاه ... وتقدمو لبنتي هدية قالي يا السي موووح ... بلاك تنسى خيط الروح باش يزيد لبنتي الروح ... تبقالك ديما حية تشريلها عشر كباش ... والجاج مشوي ما تنساش وزيدلها مترا قماش ... هادي حاجة رمزية بنتي ما تضربش النشاف ... ومن الحمام تخرج بالتلحاف وشعرها جيبلو حفاف ... وتزور sa mère كل عشية الطفلة نطقت ملهيك ... يا بابا لازم تنهيه يتركني نحكم فيه ... ويمشي معايا بالنية قالي الشرط ما خلاص ... نقراو الفاتحة قدام الناس قلتلو راني لباس ... ومنين نهرب يا خويا درنا العرس نهار الخميس ... وكثر فيه الهراج والتهراس المطرب يخلط على الناس ... والدرباكي يعفس تعفاس والجمهور راهو نعاس ... والبراح يبرح شوية جابو العروسة للبيت ... كي شفتها من الخوف بكيت شعرها على الطابلة محطوط ... وراسها من الشعر مزبوط رافدة معاها عشر قطوط ... تلعب لعبة هزلية لقيتها مركبة قطع غيار ... شعرها وحواجبها ولشفار و كي ضحكت كل شيء طار ... هادي ماركة عصرية قالت لازم نبقى حرة ... ويماك لازم ترميها برة وما تكثرش الهدرة ... أنا طفلة متحضرة قلت يا امرة لازم تفهمي ... ترفدي حوايجك وتخطيني والموضوع اكييييييييد مسرووووق
والله يا اختي شعر حر هايل وهادي الحقيقة المرة لي راه يعيشها الشباب ديالنا بصح الحمد لله ماشي كامل البنات مازالها الدنيا بخير ببنات الفاميليا
اهلاااااااااااااااااااان عسلاااااااامة يالالة عاش من شاف مشاركاتك مشكوووووووورة على المروووووووووور عزييييييييييزتي
بسم الله الرحمن الرحيم مشكور كتيييييييييييييييييير وتفكرينى بزجالنا العظيم بيرم التونسى مزيد من التوفيق
الله المستعان البعض منا لما يقرأ الشعر هذا يظن أن الأمر فيه مبالغة ولكن ربما الواقع الذي نعيشعه أبشع مما جاء في هذه القصيدة الطريفة ولكن الحمد لله مازال بنات الحلال والعائلات التي تبحث عن الستر والحلال والهنا لبناتها والله الموفق ويكتبلنا الخير
أيسرهن مهرا أكثرهن بركة، هذا ما قاله الرسول صلى الله عليه و سلم والمال لا يشري السعادة أبدا بارك الله فيك عزيزتي منة الله ، أسعدك الله في الدارين
منة الله بارك الله فيك هذا الشعر للشاعر مولود حداد من العاصمة وبالضبط بئر خدام له عدة قصائد بالدارجة هادفة جدا، له كتيبات أيضا شكرا أختي منة الله وجزاك الله كل خير عنا