والله شيء عجيب لوكان تسمعوا واش صرا في سطيف في الجامعة لاباس على جال البالو والله تكذبو لا حول ولاقوة إلا بالله كانو زوج ذراري يقراو في هذيك الجامعة واح سطايفي ولوخر برايجي يشفاو في بعضاهم بزاف كيما تربح سطيف يشفا السطايفي في البرايجي وكيما تربح بلاد خرى يشفا البرايجي في السطايفي وهكذا ذواليك تقريبا كل يوم يتهاوشو على جال البالو والناس أكل علاباهم البارح ياسيدي تهاوشو في لسال وين يقراو والسطايفي قال للبرايجي نخرجو برا ونشوفو فحولتك قال للأستاذة وخرج رايح يلحقو لوخر بصح الأستاذة ما خلاتوش لخطراكش علابالها بيهم السطايفي السّنا سّنا برا ولوخر ماجاش أمالا راح دبر موس وخل للاسل وذبحو من رقبتو والمسكين البرايجي مشى مشى ومبعد طالح ومات والدم يشرشر منو صاحبو كان حاكملو رقبتو باش ما يخرجش الدم منو بزاف بصح الضربة كانت واعرة والمخلوق مات وتخدع في شبابو على جال بالو الله يهدينا هذاك مات ولوخر يقضي حياتو كاملة مابين القضبان نفضل الإعدام خير شفتو هذا أكل عمايل الشيطان والنفس الأمارة بالسوء عندكم ليغركم الشيطان راهو رجيم وما تعياو تندمو تخيلو معايا كيفاش راهو حاس والندمة اللي راهو فيها وماليه لمساكن واش دارو باش يتخدعوا في وليدهم ومالين لوخر راهم في شوك باينة أنا بكيت كيما سمعت قالك الدنيا معمرة بلابوليس والجامعو سكرت الله يعديها على خير وتعقب وخلاص هيا باي سامحوني قلقتكم معايا بصح لازم تعرفوا واش راهو صاير في بلادكم وتديو منو الع
شكرا اختي ناسف جميعا لهذا الحدث الفاجعة بين الجيران على شيء ليس بجهاد ربي يهديهم جميعا و خاصة المناصرين
قريت الخبر في الصحف و وجعني قلبي على الحالة اللي وصل ليها الشباب الجزائري كيفاش ولات الروح نتاع الإنسان هينة قدام كرة مطاطية تتقاذفها الأرجل و كيفاش الناس بعدت على طريق ربي حتى استحكم الشيطان منهم يا حسرة على هاذ الحال نسأل ربي يهدينا و يصلح من أحوال شبابنا
السلام عليكم ورحمة الله تعالى وبركاته أنا أخوكم الأستاذ الطاهر طه المدعو الخيثر أرجو من كل من يقرأ هذه التحية أن يتواصل معنا بالمحبة والأخوة ، وتبادل الآراء المختلفة في كل المجالات خاصة الدينية والفلسفية ، وأحيطكم علما بأنني أستاذ متخصص في مادة الفلسفة . شكرا على تفهمكم
السلام عليكم ثانية ودائما ، أرجو من كل أستاذ مادة فلسفة أو متخصص في هذا المجال أن يتبادل معنا الأفكار حول أنواع الفلسفات ، وعن أهم الدراسات الفلسفية ، خاصة في رسائل الماجستير والدكتوراه. شكرا .
يمنع وضع البريد الإلكتروني أو أي وسيلة تواصل مباشر السلام عليكم: إلى كل طلبة التعليم الثانوي في الجزائر ، أو في كل أقطار العالم ، أرجو التواصل معكم بالمحبة ، وفي كل ما يفيدنا ويفيدكم في جميع المجالات ، خاصة مع طلبة الثانوي وما يتعلق بالامتحانات في شهادة الباكالوريا ، وأهم الواضيع التي يمتحن فيها الطلبة ,