الطبـق الأول : بـاستـا خضـار المقادير : معكرونه ويفضل اللولبيه انا خلطت نوعين ( اسبيقتي والعادية ) خضار ( فطر طازج - بروكلي - فلفل بارد - زيتون ) صلصة بريقو الحمراء بالثلاث اجبان كريمه خفق جبن موزريلا الطريقة : - نحمي مقلاة نحط فيها شوية زيت .. ونقلب فيها الخضار ، نخليها تنضج نصف نضوج . - نبهرهم بـ اوريحانو + فلفل اسود . - نضيف عليهم الباستا بعد سلقها وتصفيتها من الماء . - نضيف الصلصات : الكريمة + الصلصة الحمراء ، وكثرو من الأخيرة شوي ، ونتركهم لين مايغلون. - ننثر فوقهم الموزريلا ونقلبهم لين تقوم الجبنه تتمدد . تقدم سـاخـنـه ، \ الطبـق الثـاني .. باستا بيتزا المقادير : معكرونه ( خلطت اسبيقتي والعادية ) خضار بيتزا ( فطر ، فلفل بارد ، زيتون ، طماط ) صلصة بيتزا او معكرونه جاهزه قشطه مايونيز جبن كاس جبن موزريلا الطريقة : - نسلق المعكرونه ونصفيها من الماي . - نخلط علبة قشطه مع ملعقتين مايونيز وملعقتين جبن كاس ، نخلطهم بالمعكرونه . - نحط المعكرونه في صينية ، وندهن سطحها بصلصة البيتزا . - ننثر فوقها الخضار بعد تقطيعها مكعبات ، وتبهيرهم بـ بهارات البيتزا - ننثر فوقها الموزريلا المبشورة . - ندخلها الفرن لمدة 20 دقيقة إلى نصف ساعه ، تحمر من الوجه ، وتقدم وهي ساخنـه .