الحمرا و لا البيضا

السلام عليكم و رحمة الله و بركاته



فاز مصنع للأجبان , لأحد القرويين ,بجائزة الجبن المثالي..

فسارع الصحافيون لتسجيل لقاء مع صاحب المصنع,و دار الحوار التالي:

الصحفية: أولا نباركولك الحصول على جائزة الجبن المثالي..ونتمناولك المزيد من النجاحات إن شاء الله

القروي: الله يسلمك.

الصحفية: أول سؤال هو : واش راك توكل البقر تاوعك؟

القروي: شكون فيهم البيضا ولا الحمرا؟

الصحفية باستغراب: البيضا..

القروي: البيضا نوكلها العلف الطبيعي..

الصحفية: و الحمرا؟؟؟

القروي: الحمرا ثاني نوكلها العلف الطبيعي..

الصحفية: معليش,صحا.. قول لي البقرات تاعك وين يباتو؟؟

القروي: شكون فيهم الحمرا ولا البيضا..

الصحفية: البيضا !!

القروي: البيضا نبيتها في الزريبة هنا كيما راكي تشوفي..

الصحفية: و الحمرا؟؟

القروي: الحمرا ثاني عايشة هنا في الزريبة..

الصحفية: صحا ,قوللي البقرات تاوعك وين يسرحو؟؟

القروي: شكون فيهم الحمرا,ولا البيضا؟؟

الصحفية: طبعا البيضااا

القروي: البيضا تسرح في هاذيك الارض الخضرا اللي راكي تشوفي فيها..

الصحفية: و الحمراا..

القروي : ثاني هي تسرح في الارض اللي راكي تشوفي..

الصحفية : و كي تخرجهم يسرحو واش تديرلهم؟؟

القروي : الحمرا ولا البيضا؟؟
الصحفية بعصبية: البيضاا.

القروي: البيضا لما نخرجها تسرح ,نلوي الحبل عليها زوج لفات..

الصحفية : و الحمراا؟؟؟

القروي: الحمرا لما تسرح نلوي الحبل عليها زوج لفات..

الصحفية :ضرك فهمني ,علاش كل ما نسقسيك على البقر,تقولي شكون فيهم الحمرا ولا البيضا,مع أنك تعاملهم نفس المعاملة!!؟؟..

القروي: آه,هذا سؤال مهم, ضرك نفهمك....انا نسألك شكون من البقرات الحمرا ولا البيضا,
خاطر البقرات البيضاء تاوعي..

الصحفية: و الحمرا؟؟؟

​

القروي: ثاني تاوعي

منقول​

 

إخوتي
العمدة امين ، هدى الرحمن ،منة الله ،جمال محمد
شكرا على حضوركم الرائع