عثمان و لخضر الجزئ الاول هذا الحوار دار بين عثمان ولخضر على جال السكنة هيا تبعوني باش تعرفوا واش صرا بيناتهم :: :: عثمان :السلام عليكم ورحمة الله وبركاته لخضر : وعليكم السلام ورحمة الله وبركاته عثمان: ها وشراك يا مراد لخضر : يا اخويا عثمان راني شوية شوية مع الوقت عثمان : واش غير الخير يا لخضر لخضر: انا خلاص كرهت حياتي لا خدمة لا حتى حاجة عبالك وكي يجونا الضياف للدار يحاوزني الشيخ يقلي روح دبر راسك وين ترقد راك تشوف في الضياف وماعندهمش وين يرقدو والله ياعامر البيت انتاعنا صغير بزاف ورانا نرقدو بدالة انا نرقد شوية وبعدها نوض ويرقد خويا جمال في مكاني ..وراني على هذا الحال من وقت فات ...انا خلاص لازم ننتحر ولا نرهج روحي عثمان :يا لخضرراه ربي يفرج ..مي خويا وعلاش تنتحر وعلاش ترهج روحك وعلاش لخضر :يا خويا خلاص مليت حياتي والله مراني ندور على الدراهم ندور على السكنة برك باش نعود نرقد وما يحاوزنيش الشيخ عثمان :والله صح مشكل انتاع الصح هذي السكنة ...مي كاين حاجة ..بلاك طلعلك شوية مرال لخضر : قول يرحم والديك ...راي قريب تحكمني سكتة قلبية قووووول عثمان : يا لخضر انا امبارح وكي كنت قاعد نتفرج في النشرة انتاع 8.00 سمعت واحد الوزير وبلاك هذا الوزير انتاع السكن سمعته يحكي على السكنة لخضر : هيه كمل يامصيبة واش قال هذا الوزير عثمان : هات قارو قبل باش نكمل لخضر : يا حصراه وانا مين جاني الدخان ياك راني من الصباح وانا قاعد معاك ..هيه كمل واذا لقيتها صح نشريلك قارو عثمان : راه قال بلاك هذا العام رايح يوزع 70 لوجمة على الزوالية لخضر : قول والله ...والله يا عامر تستاهل قارو افراز على هذا الخبر عثمان : مي كاين شروط باش يعطولك اللوجمة لخضر : واشي هذي المصيبة تاني عثمان : فيها شوية دوسيات لخضر : يا حصراه على الدوسيات راني مين شفيت لروحي وانا غير مع الدوسيات ..ياعامر راني شاك في هذا الوزير غير يتمسخر عثمان : اواه ما شيكتش يكذب شفته قال هذي الكلمات وهو يضحك لخضر : قول والله يضحك ...املا خلاص قريب ندي السكنة عثمان : ان شاء الله يفرجها ربي على كل الزوالية لخضر : غدوى ان شاء الله انا اول واحد يدخل البلدية باش نخرج الدوسيات عثمان : ان شاء الله ....يا مراد انا غادي نقلع درك نروح للسوق كاش مانكردي شوية خضرة للدار لخضر : ايا صاح نتلقاو بعد العشاء عثمان : ان شاء الله :: ايا درك لحق وقت لي تواعدو فيه :: عثمان : صاحا لخضر فطرت مليح لخضر : ههههه فطرت مليح ياو راني من الصباح وانا قاعد هنا وين نروح يرحم والديك عثمان : آآآواه متحركتش كامل من هنا يا مراد خلي الحيط يريح شوية لخضر قلي برك وين نروح ...ولحيط هذا يزيد يصبر علينا شوية برك راني قريب ندي لوجمة ..والله ما يزيد يشوفني هناا ههههه عثمان : يا لخضرلوكان تدي لوجمة واش دير بيها لخضر : والله مين رحت انت وانا قاعد نخمم فيها ...مي بلاك لقيت الحل عثمان :واش هي ان شاء الله أسمع شفت الصور اللي راهي الفوق سي أطمسلها الوجوه وخلي الباقي ودبر راسك تحب أتزيد ولا تنقص المهم دير رايك
موضوع رائع وطرح اروع بارك الله فيك اخي عادل استمتعت كثيرا بقراءة الحوار الواقعي الجميييييييل في انتظار حلقة جديدة
رانا وصلنا للمصيبة الكبيرة اللي ما كان حتى واحد ما راهوش متضرر منها مشكلة السكن وصلنا اخي عادل لمرحلة خلاص توقفنا فيها لأن المشكلة أكبر من ان نجري و نشوف و نديرو دوسيات إلا اعتمدنا على الدولة تعطيلنا اييييييه، لحبال طوااااااال و ندخلوا في زنيقات نتاع الرشاوي و لمعارف وغيره و يا درى اذا تصحلك و الا لا (اصبح هذا المجال مشروع رائع بالنسبة للمحتالين و النصابين ، يوعدوك بسكن مقابل سعر مبدئي، تحوس عليهم من بعد تلقاهم ما كاش، اختفوا ) و اذا كان تعتمد على نفسك لازم دراهم كبااااااااار و خاصة انه بين شهر و شهر تلقى السعر نتاع السكن ارتفع ومع الشهرية اللي يا ربي الواحد يكمل بيها الشهر( ربي يكون في عون الخلق ) ناس حابة تبيض أموالها الغير مشروعة فكان هذا المجال مفتوح لهم و هكذا غلات الحالة على الناس المساكين بصح الحمد لله اللي كاين ربي و الرزق بيده الموضوع كبير و مهم ، حوار استمتعت بقراءته و آلمني في نفس الوقت بانتظار باقي الحوار و ان شاء الله تفرج على لخضر بورك فيك أخي عادل
ماشاء الله أخي عادل تقديم جيد جداااا أشكر كل من ساندنا في هذا المشروع بتشجيع أو ثناء أو تعليق مفيد وهذا العمل كله الهدف منو إيصال أفكارنا للمجتمع إنتظرونا في الحلقة القادمة إن شاء الله بحيث سيكون عنوان الحلقة حوار مع شومار وبعد هذه الحلقة رايح نرجعوا ونكملوا حوار السي عثمان ولخضر بارك الله فيكم جميعااا كونو في المتابعة فلا يزال الكثير بجعبتنا وفقنا الله وإياكم للخير