السلام عليكم و رحمة الله و بركاته اليوم تشهيت المقروط و حضرته و حبيت تشاركوني فيه بصحتكم جميعا المقادبر : العجينة: 3كيلات سميد متوسط النوعية 1كيلة سمن 1قرصة ملح ماء زهر + ماء زيت للقلي الحشو: الغرس (عجينة التمر ) 2ملاعق كبيرة سمن كمية صغييييرة قرفة مطحونة كمية صغيييرة قرنفل مطحون يخلط الكل للحصول على حشو متجانسة نتركها ترتاح العسل الكيفية في وعاء اخلطي السميد + الملح + سمن + حكي جيدا بين الأيدي. بللي تدريجيا بالماء و ماء الزهر أخلطي الكل بواسطة أصابع اليد. بحيث يبقى الخليط متناثر(مثل تحضير الكسكس).اتركيها ترتاح قليلا.. شكلي حرابيش بالعجينة التي تكون قد ارتاحت، سمكها 5- 6 و بواسطة السبابة إفتحي الحربوش قليل بالطول ثم ضعي داخل الفتحة قليل من حشوا التمر إغلقي جيدا الفتحات بواسطة السبابة والإبهام بحيث يختفي أثر الفتحة و قطعيها بواسطة سكين على شكل معينات ضعيها في مقلاة بها زيت ساخن وكاف لقلي المقروط من الجهتين دون قلبه . بعد الإنتهاء من عملية القلى . اغطسي حبات المقروط في العسل و قطريها و شهية طيبة ان شاء الله ينال اعجابكم
الله يبااااااااارك حنونتي قافزة ربي يحميك وباين مذاقو يهبل كي نجيك تهلاي طيبيهولي ونديرلك المقروط نتاعنا نفس المقادير ونطيبوه في الفور عوض عن القلي في الزيت تسلم ايديك حبيبتي
الله يبارك فيك يا الغاليا علابالي بلي انتي تاني قافزة و كي جي عندي ان شاء الله نحطك فوق راسي و نطيبلك واش تحبي يا العزيزة حنا تاني نديرو المقروط بنفس المقادير و لكن الحشو باللوز و نطيبوه في الفرن شكرا حبيبتي على الرد و التعليق الرائع خالص ودي