و ايناس ايضا، أيا ياي ، باينة عليا استاذة فاشلة اقعدي معانا حنونة و ان شاء الله نعاود الشرح و المرة هاذي تفهموني مليح ،
طيب لحبيباتي، زهرة الأقحوان، لميس و ايناس و كل واحدة لم تستوعب شرح الغرزة الثانية le point de noeud أولا يا بنات ما لازمش تفشلواعلى خاطر ما قدرتوش طبقوا الغرزة و ان شاء الله عدم الفهم هذا لا يثبط من عزيمتكن ، فعادي جدا ان الواحد ما يفهمش حاجة، المهم انه يسأل حتى يفهم فإلى الشرح نحكموا الإبرة نتاعنا باليد اليمنى ( طبعا هذا للأخوات اللي يستعملوا اليد اليمنى )و ندخلوها من تحت القماش في النقطة اللي حابين نعملوا فيها الكرية الصغيرة لما يخرج الشريط نحكموه بلين ما نشدوش باليد اليسرى و نستعملوا كيما راهو ظاهر في الصورة الإبهام و السبابة و الإبرة طبعا راهي في اليد اليمنى ثم نلوي الشريط على الإبرة بلا ما نطلقوا الشريط من اليد اليسرى من بعد نحرك اليد اليمنى و بالتالي الإبرة و نوجهها إلى القماش و ندخلها في نقطة مختلفة على النقطة اللي خرجنا منها الشريط عند البداية لكن البعد بين النقطتين مش كبير 2، 3 مم لاحظوا ان اليد اليسرى مازالها محتفظة بالشريط لكن كيما و سبق و قلت ما نزبطوش بقوة راهو واضح هنا البعد بين النقطتين ، و ها هي صورة حاولت تكون مقربة أكثر ، حتى توضح اكثر من بعد نجبد الإبرة تحت القماش فيبدا الشريط ينزل لتحت بهدوء حتى يختفي فتتكون في النهاية هاذ الغرزة لا تعتمدوا يا بنات على الصور وحدها بل اقرِؤوا الشرح المكتوب و جربوا في نفس الوقت و انا متاكدة انه لما تتقنوا هاذ الغرزة راح تستمتعوا و انتم تطبقونها و لا تظنوا الغرزة صعبة بل هي سهلة جداّ، ركزوا فقط في طريقة الشرح و طبقوها و اتمنى لكن التوفيق
حاشاك حنونتي، و عادي جدا كي ماتفهميش كاين اللي يشوفوا على المباشر و ما قدروش يفهموا بسهولة ، المهم كي فهمتيني هاذ المرة و الا عندك اسئلة اخرى انا جاهزة
السلام عليكم و رحمة الله تعالى و بركاته حبيبتي في الله انا عضوة جديدة سجلت منذ دقائق فقط من اجل هذا الموضوع القيم و الممتاز لعلك لن تتصوري سعادتي بتعلم طريقة الطرز هذه فجزاك الله خير الجزاء لي سؤال يخص كيفية ادخال الساتان في الابرة هل هو نفس الشيء بالنسبة لادخال الخيط العادي في الابرة ام تختلف؟ اسفة جدا على ازعاجك شكرا لك على كل مجهوداتك المبذولة
و عليكم السلام و رحمة الله و بركاته اهلا و سهلا و مليووون مرحبا بالأميرة، نورتينا بالنسبة لسؤالك ، نعم نستعملوا شريط الساتان تماما كيما نستعملوا الخيط العادي و الإبرة ، هنا فقط الإبرة تكون عندها ثقب شوية واسع حتى نقدروا نمرروا شريط الحاشية ان شاء الله تبقي معانا و تلقاي اللي يرضيك ، الدروس في اولها و نرحب بانضمامك لنا و للدورة و حتى تكون عندك فكرة عزيزتي على اللي سبق ، شوفي هاذ الرابط http://www.9alam.com/forums/showthread.php?t=18856
ما فيها حتى ازعاج حنونتي، بالعكس ، تسعدني دائما اسئلتكم ، وعلاش امالا نسموها دورة نتوما تسقسوا و انا نرد عليكم بلا مزية