مرحبا أخواتي العزيزات أعتذر منكن غالياتي لإطالتي في ادراج الدرس الثاني، مشاغل كثيرة جدا الله يعيننا و يعينكم نبدأ مباشرة في الدرس سبق و قلت ان الكروشي يعتمد اساسا على اربعة غرز ، باذن الله سنتطرق لهم في هذا الموضوع الغرزة الأولى : غرزة السلسلة la maille chainette; la chanette; maille en l'air اختصارها ch أو ml من أهم غرز الكروشي فعليها يعتمد كل العمل فهي اذا اساس العمل رمزها : نجدها في الكتب بهذا الشكل طريقة عملها بالشكل التخطيطي نشوفوا بالصور كيف نعمل غرزة السلسلة هاذي اذا عقدة البداية نرمي الخيط على الكروشي و هنا نقولوا اننا عملنا un jetè لاحظوا كيف اننا نمسك بالعمل بواسطة ابهام و سبابة اليد اليسرى ثم نقوم باخراج le jetè عبر la boucle اللي كانت عندنا على الكروشي و نتحصل على اول ml نكرر العمل بعدد المرات الطلوبة لأنه عادة نتبعوا الرشام و هو اللي يقوللنا شحال من غرزة نعملوا فنتحصل على سلسلة من les ml الغرزة الثانية يقولولها la maille coulèe و هي غرزة مش باينة يعني ما عندهاش سمك نستعملوها للصق السلسلة حتى نتحصل على الشكل الدائري و ايضا عندها مهمة اخرى لكن نفضل نتطرق اليها في حينها إن شاء الله حبيت نركز على الشكل الدائري لأننا سنحتاجه في الدرس القادم بحول الله اختصارها :mc هذا رمزها و في الرشامات نلقاوها بهاذ الشكل صور تخطيطة توضح عمل الغرزة و نتابعوا بالصور la maille coulèe هاذي السلسة نتاع البداية ندخل الكروشي في اول mlكانت عندنا هذا هو نعمل على الكروشي un jetè ثم نجبد le jetèعبرles deux boucles اللي كانوا على الكروشي فنكونوا عملنا 1mc الغرزة الثالثة :la maille serrée اختصارها :ms رمزها صورتها في الكتب صور تخطيطية للغرزة نتابع الشرح بالصور هاذي السلسلة اللي هي اساس كل عمل كما سبق و ان قلنا ندخل الكروشي في واحدة من les ml نعمل الان un jeté نسحب الخيط من خلال اول boucle فوق الكروشي نزيد نعمل un jeté و نسحب من خلال les deux boucles اللي راهم على الكروشي فنتحصل على ms و هذا صفين من les ms نجوا الآن للغرزة المهمة جدا و المستعملة جدا les brides اختصارها :br رمزها صورتها في الرشامات صور تخطيطية توضح كيفية الحصول على الشرح بالصور هاذي السلسلة نعمل un jeté على الكروشي ثم ندخله في واحدة من اللي ml نتاع السلسلة نسحب الخيط بالكروشي من خلال la mlاللي دخلنا فيها الكروشي فنتحصل على trois boucles فوق الكروشي نعمل un jeté و نسحب من خلال les deux boucles اللولين فنتحصل على deux boucles فوق الكروشي نزيد نعمل un jeté و نسحب من خلال les deux boucles اللي قعدولي فنتحصل على une bride نكرر العمل فنتحصل على صف من les brides هذا هو لليوم أرجو ان تكون الشروحات واضحة ، نلقاكم عن قريب و درس جديد بحول الله
درس هااااااااااااايل حنونتي فهمتو مليح وزيد نعرف هادو الخطوات شوي من قبل بصح ضك فهمتهم أكث بوضوح ربي يخليك ويحميك حنونتي بارك الله فيك
ولله يا أختي سندس و بدون مجاملة طريقة الشرح نتعك قمة.......في منتهى الروعة . تفهم لي ميفهمش .دروس التطريز بالحاشية كانت روعة بوركت جهودك تمنيت لوكنتي معلمة ويقرو عندك أولدي أكيد يخرجو حاجة كبيرة ألف ألف ألف شكر لك غاليتي
العفو عزيزتي، كلماتك جعلتني ابتسم، اتمنى اللي يقروا ابناءك يكونوا افضل مني بكثييير ربي يحفظهم و يحفظك ليهم شكرا على تشجيعك و خفة ظلك
في سؤال بسيط لاحطة انو les mailles coullé و les maille sérré متشابهين في طريقة العمل ولا غلطانة ارجو بعض التوضيح مشكورين ,و مشكورين ايضا علي الدرس كتييييييييييير كتيييييييير
العفو عزيزتي، مرحبا بك معنا يا ميمي ، اهلا و سهلا بك اي صح، فيه شوية تشابه و ربما تتخلط لك بيناتهم لكن فيه فرق ،أوضح ان شاء الله إذن بعد ما ندخل ابرة الكروشي في une maille en l'air (هذا نعملوه بالنسبة للغرزتين ) نعمل 1 jeté فوق الكروشي ، هذا ايضا بالنسبة للغرزتين و هنا اللي راح تفرق بالنسبة mc نخرجوا عبر الليdeux boucles اللي راهم عندنا على الكروشي و بالنسبة ms نخرجوا قبل عبرune boucle واحدة ثم نزيد نعمل un jetè و نخرج على اللي deux boucles اللي راهم على الكروشي ان شاء الله تكون وضحت لك الان ، شكرا على مرورك ميمي