حياكن الله اخواتي نلتقي اليوم مع درس جديد من دروس دورة الكروشي للمبتدئات كثيير من باترونات الكروشي نلقاوها على شكل diagramme أومشروحة كتابيا لكن يبقىle diagramme أسهل وأوضح و على هذيك كان لا بد من تناوله و محاولة شرحه أشكر كثيييرا اختي مليكة عباس التي بعثت لي بهاذ le diagramme السهل و المبسط و اللي راح يكون عليه شرح اليوم le diagramme أوlegende أوschéma هو رسمة تخطيطة برموز الغرز فلما يكون قدامنا راح نشوفوا فيه مختلف الغرز اللي رايحين نستعملوها و عدد الادوار اللي راح تكون عندنا نشوفوا فيle diagramme اللي عندنا الأرقام 1-2-3-4 و اللي هي عدد الأدوار و الغرز اللي رايحين نستعملوهم ml, br, ms , mc البداية كما سبق و قلنا تكون بml نقدروا نشوفوا دائرة البداية و عدد ml اللي لازم نعملوهم في رشامات أخرين نجد العدد نتاع ml مكتوب داخل الدائرة هنا نحسبوهم مباشرة من الصورة 6ml نطبق هاذوا إذن ستة ml و باش نتحصلوا على شكل دائري لازمنا نغلقوا ب mc ثم انتقل للدور 1 أو le premier tour نشوفوا فيه 7br و بين كلbr و اختها كاين 3ml و اللي راح يكونوا لنا ما يسمونه ب les arçeaux لكن نلاحظوا حاجة مهمة و هي 3ml اللي نبداو بيهم من المفروض تكون في ذاك الموضعune br لكن بما اننا في بداية العمل و ما نقدروش نعملوها فلازم نعوضوها ب 3ml هاذي قاعدة و عليه لازم نعرفوا التالي 1mlتعوضلي 1ms 2mlتعوضلي demi bride 3mlتعوضلي br 4mlتعوضلي double bride 5ml تعوضلي triple bride و هكذا ... بين قوسين ( في هاذ الرشام mc راهي مرموز لها بالشكل المشار اليه بسهم ) نشوفوا تطبيق اول دور هنا راني عملت 3ml اللي راح يكونوا اولbr ثم3ml نتاع (l'arçeau) وbr أخرى و هكذا نكملوا العمل les brides يكونوا داخل الدائرة كيما راكو تشوفوا في الصورة شوفوا ايضا خيط البداية القصير و الحر كيف دخلتو في الخدمة ها هو هنا و قد وصلنا الى نهاية اول دور جزء منه مغطي ب les brides و هنا راني قطعت الفائض منه ، هذا باش نتحصل على عمل نظيف و نقي كملت الآن اول دور بغلقه ب mc الدور الثاني ننتقل الى ثاني دور و نشوفوا كلarçeau من الدور الأول فيه 4br و كل مجموعة نتاع br تفرق بيناتهم 2ml نطبق البداية نشوفوها 3ml اللي يعوضوا اخرbr من آخر مجموعة br لهذا الدور طبعا لما نوصل لآخر مجموعة نعمل3br فقط لأنه سبق و خدمنا 3ml نتاع البداية و اللي راح يعوضولنا رابع br في المجموعة و نغلق ب mc الدور الثالث نشوفوا في هاذ الدور ايضا الخدمة راح تكون داخلles arçeaux نتاع الدور الثاني لكن ايضا نلاحظ حاجة جديدة و هيms ، فداخل un arçeau نخدموا مجموعة نتاعbr و ml و l'arçeau اللي بعدو نعملوا فيه ms لكن العمل نتاعنا في الدور الثاني حبس علىune br والرشام يتطلب مني باش نبدا في arc و على هذيك راكو تشوفوا mc أخرى قدام هذيك اللي استعملناها باش نغلقوا الدور الثاني بيها اللي رايحين نتقدموا للأمام نشوفوا التطبيق هنا راني غلقت الدور الثاني par une mc و اشرت بالكروشي الى المكان اللي رايحين نعملوا فيهmc الثانية شوفوا هنا كيفاش تحركت في العمل بدون ما يظهر شي لأنو la mcما تبانش لكن واضح انني انتقلت من مكان الى مكان و هذه هي الوظيفة الثانية نتاعmc و راح نزيدوا نشوفوها جيدا لما نتكلم على le crochet filet في دروس لاحقة إن شاء الله ثم نعمل1ml اللي راح تعوض ليms و نكمل العمل كيما الرشام راهو يقول و لما نوصل لنهاية الدور نعمل mc في la ml اللي عملنا عند البداية و اللي تعوض لي la ms ، هاهي هنا في الصورة و قد اشرت اليها بالكروشي انتهينا من الدور الثالث نبدا الدور الرابع و الأخير و نلاحظ ايضا اننا نحتاج لأن نتحرك بواسطة mc حتى تكون البداية داخل l'arçeau كما نلاحظ ايضا les 3ml اللولين و اللي يعوضوا لي اول br نشوفوا الصور نعمل إذن mc حتى اتحرك الى الأمام ثم نعمل اول مجموعة من br و اللي اول بريد فيهم راهي معوضة ب 3ml و نكمل العمل حسب الرشام رانا وصلنا لنهاية الدور و نغلق ب mc كيف ننهي العمل نزيد نعملun jetè فوق الكروشي و نجبدوا من خلال la boucle اللي كانت عندنا على الكروشي نقطع الخيط و نخلي فيه حوالي 5 سم نجبد الخيط بالكروشي عبرالغرز واحدة تلو الأخرى ثم الفائض نتاع الخيط نقطعوه بالمقص و نتحصل في النهاية على وحدة صغيرة ، نشوفوا في دروس لاحقة ان شاء الله الطرق المختلفة اللي نلصقوا فيها الوحدات اتمنى اني نكون وفقت في تقديم هاذ الدرس اسعد باستفساراتكم و تعليقاكم دمتم في رعاية الله و حفظه و صح فطوركم
والله ذكر إسمي في موضوعك شرف لي الشكرالجزيل لك أنت على ما تقدميه بوركت جهودك . غاليتي سندس شرحك لا يعلا عليه والله لو عملو مسابقة أحسن واحدة شرحها مفهوم بتأكيد أنت الي تفوزي شرحك 10على10 بارك الله فيك ونفع بك
درس رائع بارك الله فيك سندس بصراحة انا طبقت البترون اكتر من 6 مرات و كنت انتظر الدرس الرابع و لكن اخد وقت طويل لذا انا بس بدي اعرف اذا رح يكون في درس رابع ان شاء الله و لا لا , شكرا و وفقك الله و سدد خطاك و كل شي بتعلميه انشاله يتقبله الله ,
جزاكن الله خيرا عزيزاتي على تفاعلكن الجميل و اعتذر منكن لعدم مقدرتي على تكملة الدورة لأسباب صحية و حالما تتحسن صحتي إن شاء الله اعود لنكمل ما بدأنا